2018年6月29日 星期五

粟米豬扒扭扭通粉@





13-5-2018Yeah,母親節午餐有阿囡親自下廚整粟米豬扒扭扭通粉比我食,yummy!

媽咪!母親節快樂!!!👩‍👧💕
唔知點解 好似有好多海外升學既留學生,一開始出國當然會唔習慣,又會掛住屋企,又會掛住自己本來住既地方既一切一切。但係一年過去,兩年過去,大部份人都會慢慢地習慣同適應自己喺當地既一切,甚至可能愛上當地既生活而選擇定居海外。但點解我一年又一年過去後,反而係越黎越掛住屋企既一切呢?😂 好似每次煮飯時,會好掛住你煮既餸;好似每次一忙 冇去執房 搞到間房亂七八糟既時候,會諗起你依個又有啲潔癖又有啲強迫症既阿媽 成日叫我執好間房;好似每次求求其其換套衫落街既時候,會諗起你苦口婆心咁同我講做女仔最好都係要好好打扮一下自己;好似每次夜訓又或者熬夜既時候,腦海會突然響起你督促我快啲去訓把聲。
哈哈哈點解會咁呢?🤣 原因就係。。你一直都將我照顧得太好啦,各方面都係~ 所以,媽咪,好多謝你😘 雖然每次聽你各種苦口婆心既訓話都會有點不耐煩哈哈,但係你給予我既一切,就算係責罵既說話都好,我都好清楚明白你對我做既都係為我好。可能當下我未能理解到,但係好似我依家咁,自己一個生活,就比起以前更加能夠理解到,慢慢體會到你既好。。😳
多謝你,媽咪🌹 love u🙈❤️




媽咪 母親節快樂 今年我就冇啲咩特別野送比您 希望您唔會介意👀 人長大呢 就發現屋企越黎越重要 但同時 留係屋企既時間就越黎越少 我真係覺得好幸福既一件事係 每個星期六 我訓到晏一晏先起身 一起身落去 您就會問我食唔食野 然後就會係咁整野比我食 仲會比埋水我飲 問我好冇食 飽未 其實真係幾幸福 
每個媽咪都好獨一無二 我媽佢 係一個超級大驚小怪既人 但係當我地驚既時候 佢又會好夠膽咁企最前 我媽佢呢 煮野食就好叻 一用電器就變左傻仔 對住佢真係笑鬼死 佢呢唱歌真係唔好聽😂 但佢同我講野既時候 唔知點解會想聽落去 我越黎越覺得 媽咪好似小朋友 激嬲佢呢 佢又會嬲您幾日 要您氹翻佢 有時又好古惑 真係呢⋯⋯ 我大過喇我希望可以有啲時候照顧翻您(雖然您冇乜要我照顧😂)希望我可以分擔下屋企既事 您照顧左我地呢個屋企咁多年 我都識得照顧自己喇 係時候比多啲時間您岀去挽下喇 好喇 最後 happy mother’s day😽👩‍👧}

沒有留言:

張貼留言