2018年4月19日 星期四

紫菜四寶湯飯




























17-3-2018崩潰,一起身塊面直情係痛,好似損左咁!我真係偑服我老公仲有心情話同我去食早餐,佢一啲都唔介意望住我塊爛面食早餐!老公好忙只能夠車我去診所,無時間陪我睇醫生!呢個醫生係亞女同學媽咪介紹,我嘅診症時間足足係35分鐘,我覺得佢收呢個費用一啲都唔貴絕對合理!醫生話我係過敏性濕疹,未見重醫生前我勁擔心自己會毁容,不過經醫生詳盡解釋我依家放心好多!搭巴士回家途中家姐話:既然醫生都話係濕疹,咁就噴PH 2.5試吓,如果冇好轉先再搽類固醇藥膏都未遲!自己諗深一層一搽咗類固醇就冇得返轉頭,所以決定博一舖!回家先食咗一粒抗敏藥,跟住洗乾淨塊面就開始噴PH 2.5和PH6,完全冇諗過噴PH 2.5原來係咁辛苦!當我一噴上面嘅時候,可能有傷口我塊面係超那兼超痕,有理冇理不停噴不停噴不停噴,差不多噴左5次PH 2.5水就會轉噴一次PH6去補充水份等塊面冇咁乾!噴頭半個鐘真係非筆墨可形容,果種痛苦我諗真係要有濕疹嘅人先會體會到!我塊面好似有幾十萬隻螞蟻喺度行來行去,我真係痕到跳來跳去,又大叫又攞紙巾擒住塊面狂拍,嗰一刻我完全覺得自己失控!過咗一個鐘不停噴PH 2.5感覺塊面冇之前咁辛苦!我自己一照鏡都唔敢相信,塊面退左紅之外損左位置都埋晒口!我不停噴不停噴足足花咗四個鐘頭時間,奇蹟竟然發生係我身上!我塊面完全好返晒!老公返嚟見到我塊面好晒,就話:食咗藥搽咗藥膏咪冇事囉!我話:我淨係食咗一粒敏感藥我冇搽過藥膏!老公話:又會好得咁快嘅?我話我噴左四個鐘頭PH 2.5同PH6,好彩我一路都有拍照,老公一䏲都嚇一跳!講真還原水機嘅PH 2.5我真係真係好少用到佢,我除咗生飛滋同浸腳皮先會用平時極少用!之前樹熊有30幾年嘅濕疹都係我介紹佢噴PH 2.5醫好!樹熊已經當PH2.5係補神仙水一樣隨身攜帶,我之前都有少少覺得佢有少少中毒太深,好似冇咗PH 2.5唔得咁!原來針唔拮到肉系唔知痛,經過今次自己塊面咁經PH2.5痊愈後,我諗我都會步樹熊後麈當PH2.5係寶!今晚老公食紫菜四寶湯飯,我食烚粟米!沖完涼,塊面都係泛血左小小,但係一啲都冇痕,今晚我應該有覺好訓!

2 則留言:

  1. 我覺得應該係粒抗敏感藥起咗作用!

    回覆刪除
  2. 其實兩粒抗敏藥夜晚果粒先係勁啲,我個人都覺得可以好得咁快真係PH 2.5幫到我

    回覆刪除