2017年10月14日 星期六

避風塘八爪魚炒飯,韓式辣醬雞翼,愛心雞批和叉燒批@





























23-8-2017本來已經係飛機上,因為天鴿的來臨,令我們一家呆在家中等消息!今日午餐有避風塘八爪魚炒飯,加多個韓式辣醬雞翼!姨甥仔阿佬同侄仔得得b今日飛波特蘭讀書,本來約好咗一齊喺機場見面,再來個情深擁抱!點知天鴿搞到我冇得飛,所以冇得係機場見面!好彩係屋企睇睇下電視見到兩條友仔俾人影咗上鏡!老公俾咗佢哋兩個一人2000美金做零用錢,兩個過到去要俾心機讀書!一落8號風球老公即刻訂飛睇戲,當我換完衫攞鞋著時,見到小虎隻衰仔喺度食嘢,心諗有乜食呢?一裝原來隻衰仔偷嘢食!係咪天鴿的風速嚇到你傻咗,你隻衰仔竟然偷嘢食,將成包串魚拉咗入梳化度食,食到成面成嘴成身都係串魚味,又要同你沖涼啦!你話你係咪五行欠打,你呢排一日乖一日曳,你係咪想死!搞掂隻曳豬急急出門去睇「軍艦島」,睇完再去食墨魚麵!多謝鄰居吳太送上自家制雞批和叉燒批,今晚宵夜有著落!

沒有留言:

張貼留言