2016年10月1日 星期六

晚餐@



























1-9-2016今日帶小虎去洗白白,跟住我同大囡去食Lunch,然後又去shopping,又係買衫呢個夏季真係買左好多衫!老公今晚返,梗係要煮飯比佢食啦!呢個話梅醉雞腳老公食lam lam利....食完飯老公攬住我話:{阿鳳,你以後真係要對你奶奶好好呀!今次佢係鄉下向所有親戚講你點有老人家心唔嫌棄老人家煩,又讚你點有老公心日日煮唔同菜式比老公食,又讚你點識教兩個囡,總之就讚到你天上有地下無,攪到我都有少少怕醜,開口埋口都係話我阿鳳乜,我阿鳳物,又話唔介意我點待你外家好,又話我今日有樓住,全靠你阿爸當年比三十萬你買樓,仲話你超旺我,叫我要對你好好......你巴閉啦!我阿媽公開讚你,你開心啦!}講真聽完真係超開心,嫁左入門20年先聽到奶奶真心話,唔開心就假!老公你放心,經過呢1年我真真正正知道邊個待我好邊個待我衰,我應承你我以後都孝順和尊敬奶奶..........突然覺得自己好幸福,原來有奶奶錫係好開心架!
蒜蓉炒菜心苗{全家至愛)
話梅醉雞腳{全家至愛)
Xo醬芋頭炒肉鬆{全家至愛)
蕃茄炆牛面頰{全家至愛)
齋湯(青紅蘿蔔、粟米、栗子、蓮子、合桃、百合和雪耳){全家至愛)




沒有留言:

張貼留言