2016年5月14日 星期六

香蕉朱古力磅蛋糕



24-4-2016原來有時某些事唔知好過知!食飯時從樹熊口中得知老公嫌我近來過份干涉佢公事,亦話我變得太計較和對錢看得很重 。樹熊叫我不要再過問老公公事,因為咁樣我會比左好大無形壓力比老公。聽完樹熊講整晚睡得不好,其實我之前只係問過老公,你同老表夾份到而家究竟有幾多架的士和小巴?你車的車牌號碼你知晤知?老公笑住話:{你真係問起我啦!有幾多架車我真係要數數先答到你,因為車成日又賣出又買入我無認真去記低車牌號碼...}我聽到就同老公講:{你可唔可以認認真真坐低寫你車的車牌號碼、幾年幾月幾錢買入,比我得過{知}字?}老公舊年同今年都同昌哥夾份開左驗煙中心和驗車中心,我只係問老公有幾多份人同埋投資左幾錢?老公3年前同偉哥夾份投左條專緣黎做,我問老公幾年來有無錢賺?過完年老公又同阿昌夾份買左部小巴,我話你咁多野都係同人夾份,兼且全部都無寫你名,不如你上律師樓做份証明你有乜野係同人夾份?完全我無諗過問下都會比老公覺得我煩兼干涉佢公事!之前老公就係相信文生,卒之文生死後她的太太乜都唔認數,攪到今日要對簿公堂,而家仲打緊官私,`老公真係唔明白我的憂慮,我無出外工作,家裏的收入只靠老公,如果佢有乜事我可以去邊度証明老公的投資呢?我叫老公咁做無非想保障我地三母女,難度咁都有錯?又係佢自己講話咁辛苦工作都係為我地三毋女。完全唔知問多些會換來話我太計較!自從大家姐件事後我真係乜人都唔敢再信,我現在只相信老公同兩個囡。如果做夫妻只能講家事而不能講公事,咁我點識去體諒老公工作又幾辛苦呢?突然覺得好空虛無助........喊到對眼腫晒,知道一蓋上眼睡覺,起來一定會變三眼皮,索性入廚房搵野攪好過,卒之攪左呢個香蕉朱古力磅蛋糕出黎..........

2 則留言:

  1. 明白你苦心,;比著邊個都會甘做啦!好正常!
    始終人真係好難講!有時幾熟都好均爭啲好
    唉!男人通常係甘、吾會知女人憂心

    回覆刪除