2016年4月13日 星期三

晚餐





31-3-201唉,點解人請工人我請工人?點解個個都咁勞氣架?係咪我對得佢地太好又唔惡又唔嚴?所以佢地個個都唔驚我?一心諗住請係香港做過會無咁蠢,點知呢個工人姐姐就醒目到爆。越對得佢耐越覺得佢唔尊重我,係我面前照帶耳機傾電話和哼歌,一邊摺衫一邊睇住電話煲劇,一件衫摺極都摺未完,一機衫摺1個半鐘都未摺完,而家5點就關埋市門攤係床度講電話,大聲講大聲笑,次次叫親佢就不停話:{黎...黎...黎.....}黎極都未出黎,朝早我唔昅住佢就8點半都仲係房張床度玩電話,做野又成日求求其其,次次問佢呢度有無抹,佢就話:{今日唔記得抹...}雪櫃檯面有乜就食乜完全唔使過問我,衫儲到3-4日先熨,好多時細囡趕住要著佢先會熨比細囡,日日鬼咁叻識用美顏水洗面環酵浸腳,叫佢小虎痾一次尿就要換一次報紙,佢就淨係早午晚先換,屋企報紙就越疊越高,每晚一齊食飯時就例必電視汁撈飯,夾夾下菜隻手永遠都停留係半空,個個食完佢仲慢慢食慢慢睇,佢自己手洗的衫永遠都唔拎乾,一早掠到晚仲有水滴,到夜晚未乾就開浴室寶黎乾佢自己的衫,佢房兩個插座永遠都叉住兩部電話,電話充電器,耳機和風扇仔,總之佢房個插座好繁忙。5點半就開房燈至到朝早8點,佢連睡覺都要開住燈睡的,沖澡一沖就半個鐘以上,吹頭吹親都15分鐘以上,早上有麵包咖啡都要例牌加多1隻烚蛋,見到佢大大兜水先烚得1隻蛋,真係比佢激到無野講,總之佢就唔識得同我慳錢啦!比工人姐姐激到滾滾地,今晚一於乜都辣...
麻辣土豆絲{全家至愛)
酸辣紅薯粉{全家至愛)
涼拌皮蛋{全家至愛)

2 則留言:

  1. Mabel小姐, 如果唔想同個工人搞到不歡而散, 可以係關係未太差之前換過個新工人, 亞太有個朋友嘅朋友轉用緬甸籍嘅工人, 佢話聽教聽話比起印尼同菲律賓好好多, 妳不防考慮一下喇否則對住D唔聽話嘅姐姐, 真係命都短幾年呀!!!

    回覆刪除
  2. 由細囡出世就請工人已用了16年有多,真係一個不如一個。我鄰居請左個尼撲爾工人都好乖......

    回覆刪除