2016年4月12日 星期二

20週年註冊紀念日

























27-3-2016起身一陣就睇到老公係fb寫左呢段野比我,我一路睇一路喊,我真係好感恩能嫁到一個好愛錫我的好老公。
{響呢個咁重要嘅日子,
我依然在忙碌的工作中渡過,
感激你能體恤,
好多外來因數影響我哋嘅計劃,
再次多謝你咁多年對我嘅忍耐。
在未來日子裏我相信會更好。
同你二十個年頭,
大家甘苦於共,
默默為這個家作出不同嘅付出及努力,
成績有目共睹,
希望往後嘅日子你能真正得幸福,舒適、快樂、優哉游哉嘅生活。
再次多謝你。二十週年快樂。l love you forever.........😙😙😙😙}
我當然要禮尚往來寫野比老公啦!
{今日係我倆註冊20週年紀念日!
唔經唔覺做左黃太20年!
回想以往的我,
完全無諗過自己會咁美滿,
從前的我不快樂不幸運,⋯⋯
現在的我好開心好幸福,
因為我能遇到你呢位好老公,
多謝你比左一個安穩而又溫馨的家給我,
多謝你盡最大責任心去照顧我地三母女,
多謝你20年帶比我無窮無盡的歡樂回憶,
但願往後的日子裏,
我倆繼續風雨同路,
挽手共步漫長人生路.........
老公,我...愛...你...}

今晚我她去左尖沙咀食韓國菜慶祝,
食飽就回家影相切蛋糕。

沒有留言:

張貼留言